| Никях.
Никях кыз вә егет, хатын вә ир арасында була, ул аларны зинадан вә хәрәмнән саклый һәм өсләренә олы бурычлар йөкли. Сөннәтнең иң авыры булып никях санала. тергезелгән никяхны саклау, таратмаска тырышу, үзара тугрылыклы булу-хатын вә ир өстенә бердәй бурыч йөкли. Никяхның асылы-байлык эзләү түгел, бәлки тормыш бәхетен табу. Шунлыктан, шәригать таләбе буенча, ир дә , хатын да, үзара никях җебе белән бәйләнгәннән соң, тормышларын мөмкин кадәр бәхетле итү өчен бар тырышлыкларын куярга тиешләр. Никяхка әгәр 5 кеше килмәсә, бу никях туе булмыйча, зина туе булыр. Ул биш кеше болардан гыйбәрәт : никях хөтбәсен укучы, вәли – якын карендәше, ике шаһит, кияү егетенең өлкән туганы яки атасы. Никях ныклыгы- мәһәр, алдан билгеле булыр.
| |