| Хөрмәтле авылдашлар, читтә яшәүче,әмма тамырлары белән Мортка береккән мөселман кардәшләр!
Һәр ел саен авыл зиратында өмә оештырыла. Быел ул авыл мәчет картлары тарафыннан 2 май көненә билгеләнгән. Әйдәгез барыбыз бергәләп ,җыелып мәңгелек йортка тәртип салыйк. Анда бит безнең әти-әниләр,дуслар,әби-бабайлар,күршеләр күмелгән. Күпләрнең транспорты, пычкылары бар, һәр йортка 5-6 ир-ат кайта бәйрәм көннәренә,хатын-кызга да,балаларга да эш җитәр. 2-3 сәгать вакытыгызны кызганмагыз, бу гамәл кем өчендер түгел, һәркемгә күңелләрен сафландыру,яшәргә дәрт өстәр өчен кирәк.7 буын-әби бабаларыгыз Сезне мәңгелек йорт ишек төбендә, өмәдә каршы алыр.Әйдәгез бердәм булыйк,бергә булыйк!
20 апрель 2016 ел.
2 май көнне авыл зиратында өмә булды,шактый кеше килгән иде. Кемдер зират капка төбендәге чүплекне трактор арбасына төяде,кемдер зират эчендәге ауган агачларны кисте,кемдер "Эссен" пакетларын,"коко-кола" савытларын җыйды. Гомумән эш кайнады,изге йорттан шактый күп чүп чыгарылды. Сорау: кем чүпли икән аны?
| |